خبر شامل کریندے آں بھکر توں، ساڈے بیورو چیف سید مشرف علی شاہ دی رپورٹ دے مطابق۔
ڈی پی او بھکر شہزاد رفیق اعوان دی ہدایت تے بھکر پولیس ولوں منشیات فروشاں دے خلاف کریک ڈاؤن دا سلسلہ جاری ہے۔
ایس ڈی پی او صدر سرکل محمد زراعت خان دی نگرانی وچ ایس ایچ او تھانہ سٹی بھکر سب انسپکٹر سمیع اللہ نے اپنی ٹیم دے نال مؤثر کارروائی کریندیاں
منشیات فروش احسن مشتاق ولد مشتاق احمد قوم شیخ، سکنہ سٹی بھکر کوں گرفتار کر گھدا، جیہدے قبضے وچوں 20 لیٹر شراب برآمد تھئی۔
ہک ہور کارروائی دوران غلام احمد محمد ولد عاشق حسین قوم بلوچ، سکنہ محلہ عالم آباد بھکر کوں گرفتار کر گھدا گیا، جیہدے قبضے وچوں 100 لیٹر لہن، 40 لیٹر تیار شراب، ہک چالو بھٹی تے آلاتِ کشید برآمد تھئے۔
ہک ہور کارروائی وچ سلیم ولد فتح شیر قوم تیلی، سکنہ محلہ ڈھانڈلہ کوں گرفتار کر کے اوہدے قبضے وچوں 20 لیٹر شراب برآمد کر گھتی گئی۔
گرفتار ملزمان دے خلاف مقدمات درج کر کے مزید تفتیش شروع کر ڈتی گئی ہے۔
ڈی پی او بھکر شہزاد رفیق اعوان دا آکھݨ ہے کہ منشیات دے مکروہ دھندے وچ ملوث عناصر دے خلاف بلاامتیاز کارروائیاں جاری رہسن۔ نوجوان نسل کوں منشیات دی لعنت توں محفوظ رکھݨ کیتے پولیس سارے دستیاب وسائل بروئے کار آندی پئی ہے، تے منشیات فروشاں دے خلاف قانون دے مطابق سخت کارروائی عمل وچ آندی رہسی